مشورہ  تے رہنمائی

سانوں پتا اے کہ پناہ  لین دا تریکا   بہت گنجلاں آلا اے تے اس اُتے اگے ودھنا چوکھا اوکھا  ہو سکدااے۔ اسی انہاں ساریاں گلاں نوں کَٹھا کر کے اک کتاب بنا چھڈی اے جیڑھی ہر  قدم اُتے تہانوں مدد دیندی اے۔ ایہہ تہانوں آپنے حقوق تے ذمہ داریاں دے بارے جانن اچ مدد دیندی اے

اسائلم ایڈوائس گائیڈ  دے وچ اے سارے حصے شامل نیں

حصہ  1: پناہ  دامطالبہ  کرنا  ( کلیمنگ اسائلم)

تسی اے جان لیو گےکہ تہانوں پناہ دے لئی درخاست دین دی لوڑ ہے کہ نئیں تے اے کم تسی کِتھے کر سکدے او تے ایس دے نال نال تسی مدد دے لئی کِنج درخاست دے سکدے او ۔ تسی پناہ  دے بارے سارا طریقہ ایتھے ویکھ سکدے او۔

پورے دا پورا حصہ پڑھ لیو  

حصہ  2: اسکریننگ انٹرویو

ایس حصے وچ دسیا گیا اے کہ تہانوں ہوم آفس  توں اپنےسکریننگ انٹرویو دے دوران کی امید ہو سکدی اے تے جیکر تسی محسوس کرو  کہ تہاڈے نال انصاف آلا ورتاؤ نئیں کیتا گیا تےتسی ایس بارے کنج شکایت کر سکدے او۔  مالی مدد کیڑھی موجود اے تے رہائش دے بارے معلوماتاں، تہانوں کس طراں دی طبی دیکھ بھال لبھ سکدی اے تے انٹرویو دے ویلے یا اُس توں تھوڑی دیر بعد جیڑھے کاغذ پتر تہانوں دِتے جان گےانہاں دے بارے وی معلوماتاں   ایتھے لبھ سکدیاں نیں۔ ایس وچ حاضری لوان  (رپورٹنگ) دا طریقہ، قنونی صلاح مشورہ (لیگل ایڈوائس) حاصل کرن دے بارے تے جیکر تہاڈے حالات بدل گئے نیں انہاں نوں دسن دے بارے تہاڈے جیڑھے وی فرض نیں انہاں نوں کھول کے دس دِتا گیا اے۔

پورے دا پورا حصہ پڑھ لیو 

حصہ 3: بنیادی  انٹرویو (سب سٹین ٹیو انٹرویو)

ایتھے تہانوں پناہ (اسائلم ) دے لئی سب توں ضروری  بنیادی انٹرویو دے بارے معلوماتاں لبھن گیاں ، ایس دی تیاری کیویں کیتی جاوے ایس دے نال نال ایس دے جیڑھے وی نتیجے نکل سکدے نیں انہاں دے بارے وی تھوڑا بہت  ویکھیا جا سکدا اے۔

پورے دا پورا حصہ پڑھ لیو

حصہ 4 اے: فیصلہ آن توں بعد - تہڈے حق وچ

ایس حصے وچ تفصیل نال دسیا گیا اے  جیکر تہانوں یو کے وچ رہن دی اجازت لبھ گئی اے تے ایس توں بعد کی ہووے گا۔ تہانوں کس قسم دے کاغذدِتے جان گے، ایس توں بعداے گل وی دسی گئی اےکہ ایس ملک وچ اپنی آن آلی زندگی دے لئی تسی اپنے آپ نوں کنج تیا ر کرنا اے یعنی اپنے لئی گھر تلاش کرنامالی فائدے (ویلفیئر بنیفٹس )لین دا طریقہ، انگریزی زبان سِکھناتے اخیر وچ برطانیہ دی شہریت حاصل کرن لئی درخواست دینا۔

پورے دا پورا حصہ پڑھ لیو

حصہ 4 بی۔ فیصلےتوں بعد  –  جےانکاری ہووے

جیکر تہاڈی درخواست انکاری ہو جاوے تے ایس حصے وچ تجویز کیتاگیا اے  کہ تسی کی کجھ کر سکدے او، قنونی مشورہ کِنج لے سکدے او تے فیصلے دے خلاف کس طراں اپیل کر سکدے او۔ تفصیل دے نال اے وی دسیا گیا اے کہ اپیل  دا حق ختم ہو جان دی صورت وچ تسی کی کر سکدے او، ایس دے وچ  اپنی من مرضی نال واپس ٹُر جانا وی شامل اے تے ایس ویلے دے دوران تہانوں کیڑھی مدد مل سکدی اے ۔

پورے دا پورا حصہ پڑھ لیو

حصہ 5: ہور معلوماتاں تے خاص  قسم دی ماہرانہ مدد

ایس دے وچ  دسیا گیا اے کہ تسی اپنے کنبے نوں لوڑن لئی کنج مدد لے سکدے اوایس دے نال نال غلامی ، جنسی زیادتی یا زنانہ جنسی حِصاں  دی کَٹ وڈھ دا شکا ربن جان آلے لوکاں دے لئی مدد وی موجود اے ۔ ایس بارے وی کھُل کے دسیا گیا اے کہ کسی وی جرم دے بارے پولیس نوں  خبر  کنج کرنی اے ۔

پورے دا پورا حصہ پڑھ لیو 

حصہ 6: اہم رابطہ

ایس حصے دے وچ دوجیاں تنظیماں  دے نال رابطے کرن دے بارے تفصیلاں موجود نیں۔ اے تنظیماں پناہ لوڑن آلے لوکاں ( سائلم سیکرز) تے پناہ گزیناں(رفیوجیز) دے لئی مدد تے رہنمائی دیندیاں نیں۔

پورے دا پورا حصہ پڑھ لیو 

تہانوں ایتھےپوری پوری رہنمائی مل سکدی اے۔

جے کر  تہانوں او معلوماتاں نئیں ملیاں جنہاں دی تہانوں لوڑ سی تے  کسے وی مشورے تے رہنمائی لئی سانوں 0808 8000 630 نمبر اُتے فون کر سکدے او یا  0808 8000 631 نمبر اُتے پناہ دے وچ مدد (اسائلم سپورٹ ) دی درخواست لئی رابطہ کر سکدے او۔ اسی 14 زباناں وچ خاص لائیناں تے گل بات کر سکدے آں۔  جے کر تہاڈی زبان ساڈی فہرست وچ شامل نئیں تے مہربانی کر کے اُتے دِتے ہوئے نمبراں تے فون کر کے سانوں دس سکدے اوکہ تسی کیڑھی زبان وچ گل کرنا چاہندے او۔

برائے مہربانی ایہہ گل یاد رہوے کہ اسی تہاڈے حقوق تے سہولتاں بارے تہانوں مشورہ دے سکدے آں لیکن اسی تہانوں  قنونی مشورہ      ( لیگل ایڈوائس ) نئیں دے سکدے  نا ہی تہاڈی قنونی  نمائندگی (لیگل ریپری زنٹیشن ) کرن دے قابل آں۔ اسی تہاڈی ایہو جئی مدد نئیں کرسکدے البتہ تہانوں  سندیافتہ قنونی نمائنداں( لیگل ریپری زنٹیٹوز) دی فہرست ضرور دے سکدے آں ۔